Саланың физикалық көлем индексі 103,5%-ға жетті. Барлық түрдегі ет өндірісі 3,4%-ға өсіп, 338,2 мың тоннаны құрады. Оның ішінде 126,7 мың тонна құс етіне, 112,9 мың тонна сиыр етіне, 41,2 мың тонна жылқы етіне тиесілі болды.
Сүт және жұмыртқа
Сүт өндірісі 3,1%-ға артып, 986,8 мың тоннаны құрады. Жұмыртқа 1,5 млрд дана шығарылды — бұл өткен жылмен салыстырғанда 8,6%-ға көп.
Мал басы
Ірі қара мал басы 9,7 млн басқа, ұсақ мал басы 25,7 млн басқа, жылқы 5,1 млн басқа жетті. Құс саны 48,2 млн бас болды.
Құс шаруашылығы
Елде жылына 4,5 млрд жұмыртқа өндіруге қабілетті 37 өнеркәсіптік құс фабрикасы жұмыс істейді. Ақтөбе облысында бір фабриканың қуатын жылына 180 млн жұмыртқаға дейін кеңейтіп жатыр. Ет бағытындағы құс шаруашылығымен жалпы қуаты 505 мың тоннаны құрайтын 32 кәсіпорын айналысады.
2020–2024 жылдары жылына 46 мың тоннадан астам құс етіне жаңа қуаттар іске қосылды. Алдағы жылдары тағы 220 мың тонна қосу жоспарлануда. Қазірдің өзінде 31,1 мың тоннаға алты фабрика іске қосылды, 190 мың тоннаға төрт жоба іске асырылуда, оның ішінде «Aitas» және «Алель Агро» компанияларының екі якорьлық жобасы бар.
Сүт фермалары және бордақылау алаңдары
Қазақстанда 373 сүт-тауар фермасы жұмыс істейді, оның 112-сі цифрлық. Солтүстік Қазақстан облысының тәжірибесі бойынша жылына шамамен 600 мың тонна сүт өндіруге қабілетті 116 заманауи ферма салу жоспарлануда. Қазір 94 нысан қаржыландырылды, 71 ферма пайдалануға берілді.
Сыйымдылығы 575 мың бас болатын 314 бордақылау алаңы жұмыс істейді. Түркістан облысында Орталық Азиядағы ең ірі — 50 мың басқа арналған алаң ашылды, онда австралиялық технологиялар қолданылады және алғашқы мамандандырылған мал биржасының құрылысы басталды.
Мемлекеттік қолдау
2026 жылы мал шаруашылығын субсидиялауға 117,6 млрд теңге бөлінді. 1 мамырға дейін 48,9 млрд теңге игерілді. Біржынысты ұрық пен эмбриондарға жұмсалған шығындарды өтеу мөлшері арттырылды. Фермерлерге «Игілік» және «Береке» жеңілдікті несиелері жылдық 6%-бен қолжетімді, «Жайлау» өнімі және айналым қаражатына жылдық 5%-бен бағдарлама дайындалуда.
2030 жылға дейінгі жоспарлар
2030 жылға қарай ірі қара мал басы 12 млн басқа, ұсақ мал басы 28 млн басқа жетуі тиіс. Ет өнімдері экспортының көлемін 2,5 есе арттыру жоспарлануда.