Энергетика министрлігінде күзгі-қысқы кезеңге дайындық барысы талқыланды. Негізгі назар электр станцияларындағы жөндеуге, жылу және электр желілерінің жағдайына, отын қорларына және көмір тасымалын ұйымдастыруға аударылды.
Ведомство мәліметтері бойынша, 16 жабдық бірлігінде күрделі жөндеу аяқталды: екі энергоблокта, он қазандықта және төрт турбинада. Қазіргі уақытта жұмыстар екі энергоблокта, 26 қазандықта және 16 турбинада жалғасуда.
Электр желілерінде шамамен 4,8 мың шақырым желі, 107 қосалқы станция және 1065 тарату пункті жөнделді. Жылу желілері бойынша жоспарланған 377 шақырымның 213 шақырымында жұмыстар жүргізілуде, оның ішінде 52 шақырымы тапсырылды.
Энергетикалық кәсіпорындар мен әкімдіктердің басшылары қабылданған шаралар туралы баяндады. Жөндеу мерзімдері бойынша тәуекелдер сақталып отырған нысандарға ерекше назар аударылды. Энергокомпанияларға жабдықтардың жағдайына бақылауды күшейту, ал әкімдіктерге жылумен жабдықтау нысандарындағы жұмыстарды уақытылы аяқтауды қамтамасыз ету тапсырылды.
Комитеттің аумақтық департаменттері энергия нысандарының дайындығын апта сайын бақылайтын болады және туындаған мәселелерге жедел әрекет етеді. Барлық іс-шаралар белгіленген мерзімде аяқталуы тиіс.