«Қазгидромет» Павлодар филиалының мәліметі бойынша, бұл күні қатты ыстық сақталады. Облыстың оңтүстігінде термометр бағандары 41 градусқа дейін көтерілуі мүмкін.
Келесі күндері ыстық жалғасады. Күндіз облыстың батысы мен оңтүстігінде жаңбыр, найзағай, бұршақ, дауыл және шаңды дауыл болуы мүмкін. Желдің екпіні кей жерлерде 23–28 метрге дейін жетеді.
25 маусымда температура сәл төмендеп, 23-28 градус болады.
Облыста өрт қауіпі жоғары деңгейде қалады. Өңірдің солтүстігі мен шығысында төтенше өрт қауіпі жарияланды, деп хабарлады Павлодар облысы ТЖД-да.
Ыстыққа байланысты өңірде жедел медициналық көмек шақырулар жиіледі.