Ғимараттың аумағы екі есеге жуық ұлғайды — 135-тен 258 шаршы метрге дейін. Енді бұл жолаушылар мен теміржол қызметкерлеріне қажетті инфрақұрылымы бар заманауи бір қабатты құрылыс.
Жұмыстар барысында шатыр орнатылды, сыртқы және ішкі әрлеу жұмыстары орындалды, сумен қамту, кәріз, жылумен қамту және электрмен қамту желілері тартылды. Сондай-ақ перрон жаңартылды, іргелес аумақ абаттандырылды және жаңа жиһаз қойылды.
Станция арқылы күн сайын Алматы, Алтынкөл, Сарыөзек және Қапшағаймен байланыстыратын төрт жолаушылар поезы өтеді. Вокзал үшінші типке жатады.
Қайта құру ел бойынша 124 вокзалды жаңғырту бағдарламасына кіреді. Алматы облысында төрт нысан жаңартылуда: Қонаев, Шамалған, Жетісу және Қазыбек бек.
Маусымда 1978 жылы салынған Қонаевтағы вокзал жаңғыртудан кейін ашылды. Бұған дейін Павлодар және Ақмола облыстарындағы жұмыстар аяқталды.