Мемлекет басшысы Қазақстанның барлық салаларға, соның ішінде медицинаға озық технологияларды белсенді түрде енгізіп жатқанын атап өтті. Оның сөзінше, бұл жұмыс отандық денсаулық сақтаудың дамуына жаңа серпін берді.
Цифрлық технологиялардың арқасында диагностика уақыты төрт есе қысқарды. Қатерлі ісіктерді анықтау деңгейі 30 пайызға өсті.
Тоқаев жасанды интеллект технологиялары дәрігерлерге күрделі клиникалық шешімдер қабылдауға көмектесетінін қосты. 1800-ден астам медициналық мекеме цифрлық жұмыс форматына көшті.
Ақпараттық жүйелердің интеграциясы әкімшілік шығындарды 40 пайызға дейін төмендетуге мүмкіндік берді. Президент бұл бағыттағы жұмыстар жалғасатынын атап өтті.