Тізім әзірге тек техникалық тексеру жүргізіліп, жұмыстардың қажеттілігі расталған ғимараттарды қамтиды. Тізім түпкілікті емес және толықтырылады.
А. Саиповтың айтуынша, болашақта Сәулет басқармасы Бас жоспармен және Урбанистика орталығымен бірлесіп, жеке тұжырымдама дайындайды. Оған бірінші және екінші желілер, сондай-ақ жөндеудің бірінші кезегі кіреді. Елорда аумағы толық қамтылады, литерлік көшелерге басымдық беріледі.
Егер үйдің тозуы 61%-дан асса, оны апатты деп жатқызады. Аз тозған жағдайда дизайн-кодқа сәйкестендіру үшін күрделі жөндеу жүргізіледі. Жобалық-сметалық құжаттама әзірге әзірленбейді — жұмыстар кейінірек, үйлерді кезектерге бөлгеннен кейін басталады.
Талқылаудан кейін Қоғамдық кеңес Астана мәслихатының қаулысының жобасын мақұлдады.