Жиынға федерация басшылары, атқару комитетінің мүшелері, құрама командалардың бапкерлері мен спортшылары қатысты. Қатысушылар келесі циклдің басты старттарына дайындықты талқылады.
Қазақстандық паралимпиадалықтар үшін басты оқиға Нагоядағы Азия Пара ойындары болмақ. Жарыстар 2026 жылдың 18-24 қазан аралығында өтеді. Қазақстан делегациясы 12 спорт түрінен өнер көрсетуді жоспарлап отыр.
Кадрлық шешімдер
Дауыс беруде Ұлттық паралимпиадалық комитеттің жаңа вице-президенті және Атқару комитетінің мүшесі болып Руслан Есеналин сайланды. Ол Туризм және спорт министрлігінің Спорт және дене шынықтыру істері комитетінің төрағасы қызметін атқарады.
Бұған дейін қазақстандық паралимпиадалықтар Гран-при әлемдік сериясында 11 медаль жеңіп алған.