Министрліктің мәліметі бойынша, көмір елде өндірілетін барлық электр энергиясының 62,1%-ын қамтамасыз етеді.
Газ генерациясы екінші орында тұр және көлемнің 23,4%-ын қамтиды.
Гидроэлектростанциялар, кіші ГЭС-терді есепке алмағанда, электр энергиясының 7,5%-ын береді. Олар экологиялық таза энергия өндіреді және энергожүйені реттеуге көмектеседі.
Жаңартылатын энергия көздерінің үлесі 7%-ға жетті және өсуді жалғастыруда.
Ведомство барлық генерация түрлерін бір мезгілде дамыту бойынша жұмыс жүргізуде: жұмыс істеп тұрған станцияларды жаңғыртады, жаңа нысандар салады және жаңартылатын энергетика, газ генерациясы мен гидроэнергетиканы кеңейтеді. Бұл жабдықтаудың сенімділігін сақтауға және елдің энергетикалық қауіпсіздігін нығайтуға мүмкіндік береді.
Бұған дейін қалаларда қалдықтардан электр энергиясын өндіретін зауыттар салу жоспарлары туралы хабарланған болатын.