Комиссия маусым айында бұл отбасыларды 125 орынға есептелген өңірлік квотаға енгізді. Олардың ішінде 36 адам Өзбекстаннан, алты адам Қытайдан және алты адам Түрікменстаннан келген.
Қоныс аударушыларға мемлекеттік қолдау көрсетіледі. Көші-қонға арналған әлеуметтік төлемді 14 отбасының 41 адамы алды. Төлемдердің жалпы сомасы 12,4 млн теңгеден асты.
Атырау облысының жұмыспен қамтуды үйлестіру және әлеуметтік бағдарламалар басқармасы бөлімінің басшысы Гүлболат Аманғалиева жұмысқа орналастыру бойынша жұмыс жүргізіліп жатқанын хабарлады. 1 маусымға дейін мансап орталықтарына 22 қандас жүгінді, олар жұмыссыз ретінде тіркелді. Мамандар оларға тұрақты жұмыс орындарына орналасуға көмектесуді жалғастырады.
Мамандардың айтуынша, қолдау шаралары қандастарға бейімделуге, өмір сүру жағдайларын жақсартуға және еңбек нарығына шығуға көмектеседі.